شعر هغه څه دى چې په زړه ولګېږي او خوند درکړي .طبعاًپکار ده چې ښه تصوير،ښه خيال او نوى مضمون بايد ولري او په اصطلاح زړې بابولالې نه وي .تصادفاً ستا تر دې پوښتنې څو شېبې مخکې مې د سحر صاحب دا شعرپه بېنوا ډاټ کام کې ولوست ، خوند يې راکړ .دغسې شعر يادوم

د سحر صاحب د شعر بېلګه :
اغـــزي او ګلان
يو څو کلونه مې د ژوند له کلو بېرته باسم
 ژوند کې يې نه شمېرمه
 زه مې د عمر کليز،
 بېرته له سره ليکم
 يو څو کلونه مې پخپل عمر کې نه شمېرمه
 پوهېږې کوم کلونه؟
 هغه کلونه چې له تاسره مې مينه وکړه
 هغه کلونه چې مې عقل رانه تا وړی و
 هغه کلونه چې مې ذهن کې يوازې ته وې
 هغه کلونه ستا د عمر په کلو زياتوم
 يو څو کلونه مې د ژوند له کلو بېرته باسم
 ژوند کې يې نه شمېرمه
 په دې اميد چې بيا دې ياده نه کړم
 رښتيا!
 که دا کلونه مې د ژوند له کلو بېل کړم،
 رانه هېره به شې؟
 نه نه تا هېرولی نه شم
 ته مې په خټه کې يې
 راځه له بلې دې خبره کړمه
 زما کوټه کې د کړکۍ خوا ته د لمر رڼا ته
 هغه خاورين ګلدان کې ګل،
 درته ياديږي که نه؟
 چې ته به نه وې، زه به يې خوا ته ناست وم
 چې ته به رانه غلې نو مړاوی به شو
 اوس چې ته نه راځې، همېش تازه وي
 پوهېږې تېره ورځ مې څه وکول؟
 د هغۀ ګل ترڅنګ مې وکارۀ د ځوځو بوټی
 ستا به باور ونه شي
 سهار چې پاڅېدم له خوبه څخه
 ګل او اغزي په يوۀ بوټي کې و
 زه ورته ګورم، ته مې ياد يې،
 ته مې نه هېرېږې
 نو:
 که هغه څو کاله مې وباسم د ژوند له کلو
 بيا به مې هم ته چېرې هېره نه شې
 زما په ذهن کې د مينې او کينې جګړه ده
 زما په ذهن کې اغزي او ګلان دواړه اوسي!!!

د هلمند د ولايتي شورا  يو غړى همدانن ماښام هغه مهال ووژل شو ، کله چې له جومات څخه کورته په

لاره و .

  د هلمند والي اسدالله وفا د لړم په ١٥ مه ، پژواک خبري اژانس ته وويل چې ددغه ولايت د ولايتي شورا

غړى حاجي دين محمد د دوه نامعلومو وسلوالو له خوا په لښګر ګاه کې ووژل شول .

 وفا،  زياته کړه چې دين محمد د نهر سراج په سيمه کې د ماښام له لمانځه څخه وروسته له جوماته

کورته په لاره و چې تر بريد راغى .

 د هلمند د ولايتي شورا مرستيال قربان علي ارزګاني هم دغه وژنه تاييد کړه .

 د دغه بريد مسووليت تراوسه چاپه غاړه نه دى اخيستى .

 د وژل شوي وکيل يو دوست چې نه يې غوښتل نوم يې واخيستل شي ،  پژواک ته وويل چې دين محمد

 له هيچا سره شخصي دښمني نه درلوده .

 د هلمند والي دغه وژنه د سولې د دښمنانو کار وباله خو په دې اړه يې چاته په خاصه توګه ګوته ونه

نيوله .

 دا لومړى ځل دى چې په هلمند کې د ولايتي شورا وکيل د وسلوال بريد  نښه ګرځول کېږي .

دنومبر اومه ٢٠٠٧

احمدنويدنظري